1.Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1, 66.2-т тус тус заасныг баримтлан нэхэмжлэгч А.К, Б.Х, С.Г, Н.Са нар нь шүүхэд гаргасан нэхэмжлэлээсээ татгалзсаныг баталж, холбогдох хэргийг хэрэгсэхгүй болгосугай.

2. Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 23 дугаар зүйлийн 23.10, 25 дугаар зүлйийн 25.1, 26 дугаар зүйлийн 26.2, 26.3-т тус тус зааснаар нэхэмжлэгч Ж.Берикбол, А.Ерханат нарын 24 хүнээс гаргасан Баян-Өлгий аймгийн Алтанцөгц сумын иргэдийн Төлөөлөгчдийн Хурлын Тэргүүлэгчдийн 2017 оны 01 дүгээр сарын 10-ны өдрийн Багийн Нийтийн Хурлын сонгууль явуулах тухай 02 дугаар тогтоол, сумын 1 дүгээр багийн иргэдийн Нийтийн Хурлын 2017 оны 01 дүгээр сарын 10-ны өдрийн Багийн сонгуулийг тов зарлах тухай 21 дүгээр тогтоол, 1 дүгээр багийн иргэдийн Нийтийн Хурлын 2017 оны 01 дүгээр сарын 26-ны өдрийн хуралдааны Багийн Засаг даргыг нэр дэвшүүлэн уламжлах тухай 03 дугаар тогтоол, мөн өдрийн багийн иргэдийн Нийтийн Хурлын хуралдааны Багийн Засаг даргыг нэр дэвшүүлэн уламжлах тухай 02 дугаар тогтоол, сумын Засаг даргын 2017 оны 01 дүгээр сарын 27-ны өдрийн Багийн Засаг дарга нарыг чөлөөлөх тухай 10 дугаар захирамжийн Ж.Берикболд холбогдох хэсгийг тус тус хүчингүй болгож, багийн иргэдийн Нийтийн Хурлыг дахин хуралдуулахыг тус сумын 1 дүгээр багийн иргэдийн Нийтийн Хуралд даалгах тухай шаардлагуудыг бүхэлд нь хэрэгсэхгүй болгосугай.

2. Улсын Тэмдэгтийн хураамжийн тухай хуулийн 7 дугаар зүйлийн 7.1.2, Захиргааны хэрэг шүүхэд хянан шийдвэрлэх тухай хуулийн 48 дугаар зүйлийн 48.1-д зааснаар нэхэмжлэгч Ж.Берикболын улсын тэмдэгтийн хураамжид төлсөн 70200 төгрөг, А.Ерханат нарын 30 хүний улсын тэмдэгтийн хураамжид төлсөн 70200 төгрөгийг тус тус улсын орлогод хэвээр үлдээсүгэй.

Захиргааны хэрэг шүүхэд хянан шийдвэрлэх тухай хуулийн 114 дүгээр зүйлийн 114.1-д зааснаар шүүхийн шийдвэрийг гардан авснаас хойш хэргийн оролцогч, тэдгээрийн төлөөлөгч, өмгөөлөгч 14 хоногийн дотор давж заалдах шатны шүүхэд давж заалдах гомдол гаргах эрхтэй.